තක්කාලි ගෙඩි හා පත්‍ර කණින්නා

තක්කාලි ගෙඩි හා පත්‍ර කණින්නා

බාගත කිරීම්

PDF

තක්කාලි ගෙඩි හා පත්‍ර කණින්නා

විද්‍යාත්මක නාමය – Tuta absoluta

නිරීක්ෂණ

නිරීක්ෂණ

  • කීටයන් පත්‍ර මධ්‍යයේ පටක කා දමයි. හානිය අධික වූ විට පත්‍ර ලා දුඹුරු පැහැයට හැරී වියළී මියයයි.
  • කීටයන් ළපටි හා ඉදුණු ඵලවල අභ්‍යන්තර කොටස් ආහාරයට ගනී. පිටකරන මලපහ ගෙඩිවල නටුව ආසන්නයේ දැකගත හැක.
  • නොමේරු කීටයන් මි.මී. 0.5 ක් පමණ දිග වේ. ලා කහ හෝ කොළ පැහැවේ. පරිණත කීටයන් මි.මි. 7ක් පමන වේ. කොළ-රෝස පැහැ වේ. හිස පිටුපසට වන්නට වර්ධනය වන අඳුරු පටියක් ඇත.
  • සුහුඹුල් සළබයා මි.මී. 5-7 ක් පමණ වේ. දුඹුරු-අළු පැහැයට හුරු සළබයෙකි. දිවා කාලයේදී පත්‍ර අතර සැඟවී සිටින අතර රාත්‍රියට සක්‍රීය වේ.

පාලන ක්‍රම (රසායනික)

ප්‍රතිරෝධිතාවක් දැකිය හැකි බැවින් එකම කෘමිනාශකය දිගින් දිගටම යෙදීමෙන් වළකින්න. ඒකාබද්ධ පළිබෝධ පාලන ක්‍රම සමග භාවිතා කරන්න.

පාලන ක්‍රම (වෙනත්)

  • මුල් අවස්ථාවේ හානිකල කොළ, ගෙඩි සහ අනෙකුත් කොටස් දිනපතා ඉවත් කර විනාශකිරීම.
  • සුහුඹුලන් අඩු කිරීම සඳහා බල්බ උගුල්, ෆෙරමෝන් උගුල් හෝ ඇලෙන උගුල් භාවිතා කිරීම.

වළක්වා ගැනීම

  • වගාව ස්ථාපනයට පෙර, පෙර කන්නයේ බෝග අවශේෂ ඇත්නම් විනාශ කිරීම.
  • නිරෝගී ගුණාත්මක පැල භාවිතා කිරීම.
  • බෝග මාරුව අනුගමනය කිරීම (සොලනේසියස් කුලයට අයත් නොවන බෝග සමග).
  • ආරක්ෂිත ගෘහ තුළ වගාවට නැවත භාවිතා කරන වගා මාධ්‍ය ජීවානුහරණය කිරීම.

Useful Links

Department of Agriculture

Ministry of Agriculture

Agri Information Hub

CABI - Plantwise Plus Knowle Bank

Project Sites

Area

© 2024 Design and Developed by National Agriculture Information and Communication Centre – Department of Agriculture, Sri Lanks