இலங்கையில் பூச்சிக்கொல்லிகள் மற்றும் பசளைகளை பாதுகாப்பாகவும், சரியான முறையிலும் பயன்படுத்துவதை ஊக்குவிக்கும் திட்டம் (SAFE திட்டம்), ஜப்பான் சர்வதேச ஒத்துழைப்பு நிறுவனத்தின் (JICA) ஆதரவுடன் இலங்கை விவசாயத் திணைக்களம் மூலம் செயல்படுத்தப்பட்டது.

நீண்ட கால அடிப்படையில் விவசாயிகளின் தொழில்சார் பாதுகாப்பை மேம்படுத்தவும், சுற்றுச்சூழல் மற்றும் ஆரோக்கியத்தின் மீது ஏற்படும் பாதிப்புகளை குறைக்கவும், உணவு பாதுகாப்பை உயர்த்தவும், ஏற்றுமதி வளர்ச்சியை ஊக்குவிக்கவும் காரணமான பாதுகாப்பான மற்றும் தரமான பயிர் உற்பத்தியை மேம்படுத்துவதற்காக, தொடர்புடைய பங்குதார அமைப்புகளின் திறன்களை வலுப்படுத்துவது இந்த திட்டத்தின் முக்கிய நோக்கமாகும்.

இந்த திட்டம் 2 கட்டங்களும் 4 விளைவுகளும் கொண்டதாக அமைந்திருந்தது. அதற்குள் சோதனை நடவடிக்கைகள், பணிமனைகள், பயிற்சிகள், பயிற்றுநர் பயிற்சிகள் போன்ற பல இலக்குகள் அடங்கி உள்ளது . இந்த இலக்குகளை வெற்றிகரமாக அடைவதற்காக உதவும் வகையில் விரிவான செயல்திட்டம், தொழில்நுட்ப தொகுப்புகள், பயிற்சி திட்டங்கள் மற்றும் பயிற்சி திட்டங்களுக்கான பல பயிற்சி உதவி கருவிகள் தயாரிக்கப்பட்டன.