කළු කුණු වීමේ රෝගය
කළු කුණු වීමේ රෝගය
විද්‍යාත්මක නාමය – Xanthomonas campetris
නිරීක්ෂණ
නිරීක්ෂණ
- පත්‍ර දාර වල කුඩා කහපැහැ පැල්ලම් ඇතිවේ දැයි බලන්න
- උණුසුම් පරිසර තත්ව වලදී මෙම පැල්ලම් විශාල වී “V” අකුර හැඩැති ලප බව‌ට පත්වේ.
- හානි වූ කොටස් වියළී ගොස් පත්‍ර දාරය මැරී යයි.
වළක්වා ගැනීම
- නිරෝගී බීජ තවාන් කරන්න.
- ආසාදිත කොටස් යටවන සේ පස ගැඹුරට සී-සාන්න.
- වල්පැළෑටි හා ගෝවා ශාක අවශේෂ රහිත ක්ෂේත්‍ර වල වගා කරන්න.
- නින්ජා,සමුරායි හෝ බෝනස් වැනි ප්‍රතිරෝධී ප්‍රභේද වගා කරන්න.
- පැළවල පත්‍රවලට හානිවීම වළක්වන්න.
- නිර්දේශිත පොහොර පමණක් යොදන්න.
- පත්‍ර තෙමෙන ලෙස ජල සම්පාදනයෙන් වළකින්න.
- ක්ෂේත්‍රය වල්පැළෑටි ( විශේෂයෙන් වල් අබ සහ වල් රාබු ) වලින් තොරව තබාගන්න.
- ශාක මතට පස් විසිවීම වැළැක්වීම සඳහා වසුනක් යොදන්න.
- පළිබෝධ පාලනය කරන්න.(ඔවුන් රෝග වාහකයන් ලෙස ක්‍රියාකළ හැක).
- ශාක පත්‍ර වියළෙන්නට හැර ක්ෂේත්‍ර කටයුතු කරන්න.
